SAWARI EBUN EMI RE KI O SI SAMULO RE LEKUN RERE Rom 12:3-8, 1 Peter 4:10-11.

O se ni laanu lode oni lati rii wipe oke aimoye kristaini ati pupo ninu awon to n pe ra won ni iranse-Olorun ni ko loye nipa awon ebun Emi tabi bi a ti se lee samulo won fun ise-iranse to leso- 1 Kor 12:1.

Oto ni ipe, oto si ni ebun-Emi. Awon ebun-emi ni irin-ise ti a fi fun awon eni ipe lati lee se ise- iranse won lona ti yoo laseyori – 1 Kor 12:7. Ko si kristaini kan tabi iranse-Olorun kan ti ko ni ebun – Emi tire, eyi ti a fi fun lati oke wa – 1 Kor 12:11.

Lotito, Olorun lo n fun awon eni –ipe ni oniruuru ebun- emi, sugbon ojuse onikaluku ni lati sawari ati lati samulo awon ebun naa lekunrere – 1 Tim 4:14-16, 2 Tim 1:6. Bi eniyan ba ni ipe- Olorun nitooto, sugbon bi ko ba mo bi a ti n sawari ebun- emi ati bi a ti n samulo won, onitoun a maa jiya ninu ise-iranse bi eni ti ko ni ipe ni- Psalm 49:20.

KINI AWON EBUN- EMI?

Awon ebun-emi ni akanse ipe tabi agbara ti a yonda fun kristaini tabi iranse- Olorun kookan latoke wa lati se awon akanse ise- isin tabi ise- iranse fun iranlowo awon elomiran, igbero ijo Olorun, titankale ihinrere ati lati mu ogo ba oruko Olorun nibi gbogbo.   

IDI TI A SE GBODO SAWARI AWON EBUN- EMI KI A SI SAMULO WON

1. Ki a ma baa je ope nipa awon ohun tie mi – 1 Kor 12:11.

2. Ki a lee mu ete ati erongba Olorun fun iwasaye wa se-

3. Ki a lee je ohun- elo si ola nigba ti ise-iranse wa ba mu ere nla wa fun Olorun-

4. Ki a lee mu ife Olorun se ninu aye, ki imole ogo Re lee kun gbogbo aye bi omi ti n kun inu    okun-

5. Ki a lee gba awon eniyan kuro ninu agbara satani si Olorun, ki won ki o lee di eda- titun ninu Kristi-

IPELE META TI A PIN AWON EBUN EMI SI- 1 Kor 12:4-7.

AWON EBUN EMI – Awon wonyi ni awon ebun meseesan ti a daruko ninu iwe 1 Kor 12:8-10. Ipele meta ni a pin awon ebun meseesan wonyi si gege bi a ti salaye won nisale yi:

1. AWON EBUN IMISI

- Isotele-

- Oniruuru- ede-

- Itumo- ede-

2. AWON EBUN AGBARA

- Igbagbo-

- Ebun Imularada-

- Ise Iyanu ise-

 3. AWON EBUN IFIHAN

- Oro Ogbon

- Oro Imo

- Imo Emi-yato.

ü      Awon ebun meseesan wonyi ni a n pe ni awon ebun- emi nitori pe lati owo Emi Mimo ni a ti n yonda won fun wa – 1 Kor 12:4, 8-11. Awon ebun wonyi si wa fun gbogbo kristiani ti o ba ti gba Emi Mimo lati fi jere fun Kristi – 1 Kor 12:7, 11.

AWON EBUN ISE- IRANSE

Iwonyi ni awon ebun maraarun ti a daruko ninu iwe Efesu 4:11. A n pe awon ebun wonyi pe o je ebun- ipe ti Jesu Oluwa fi pe iru awon kristiani kan ti o si ya won soto fun akanse ise- iranse ninu ijo- Efesu 4: 11-14. Idi niyen ti a tun se maa n pee ni awon ebun ise- iranse marun (5- fold ministry).

se gbogbo kristiani ni a yonda fun lati ni awon ebun marun wonyi, bee si ni kii se ohun ti eniyan lee fun ara re.

Oruko awon ebun ise- iranse maraarun naa niwonyi:

1. AWON APOSTELI

Awon wonyi ni akanse iko ati iriju ti Olorun pe, ti o yan ti o si ran jade fun akanse ise- iranse ti o nii se pelu fifi ipile otito ihinrere lele ni awon agbegbe titun tabi sisi awon eniyan loju si otito ipile ihinrere ti a ko mo tabi ti a ko ka si tele – 1 Kor 3:9-11.

Iwonyi ni apeere awon Aposteli ninu Bibeli:

v     Awon Aposteli mejila- Lk 6:13-16.

v     Matthias- Acts 1:24-26.

v     Paulu- Gal 1:1

v     Barnaba- Acts 14:14.

v     Androniku ati Junia – Rom 16:7.

2. AWON WOLI 

Awon wonyi ni akanse iranse ti Olorun gbe dide pelu agbara ati akanse ifami- ororo- yan lati je agbenuso fun Oun niwaju awon eniyan-

                        

Ise- iranse woli ju siso asotele nipa isele ojo iwaju nikan lo, o nii se pelu siso okan- Olorun fun awon eniyan, kikilo fun awon apehinda ati kikede iwa- mimo Olorun ati idajo atoke wa lori awon eniyan buburu ti ko ronupiwada- 

Iwonyi ni apeere die ninu awon woli ninu Bibeli:

¨      Elijah-

¨      Elisha

¨      Mika

¨      Jeremiah

¨      Awon woli lati Jerusalem- Acts 11:27-28.

¨      Agabu- Acts 21:10-11.

¨      Juda ati Sila- Acts 15:32. 

3. AWON EFANGELISTI

Awon wonyi ni awon iranse ti Olorun moomo gbe dide pelu akanse agbara ati ifami- ororo- yan lati kede ihinrere opolopo okan sinu ogba- ajara Kristi-

4. AWON OLUSO AGUNTAN

Awon wonyi ni awon iko ti Olorun yan pelu akanse ifami- ororo- yan ati agbara lati bojuto awon aguntan- Olorun ati lati maa mu won dagba sii ninu ore-ofe ati imo Jesu Kristi-

5. AWON OLUKONI

Awon wonyi ni Olorun fi akanse ifami- ororo yan ti o si fun ni ogbon ati imo- ijinle nipa awon ohun ti emi lati fi oro Olorun koni ni ona to lee yeni yeke yeke – Acts 18:25, 2 Tim 1:11.

AWON EBUN ISE- ISIN (Motivational gifts)

Niwon igba ti a ti ri aridaju lati inu eko oro Olorun wipe ko si kristiani kan ti Olorun ko fun ni ebun kan tabi omiran, O wa ku sowo onikaluku lati sawari awon ebun naa ati lati Awon wonyi ni ebun meje ti a daruko ninu iwe Rom 12:3-8. A n pe won ni ebun ise- isin nitori pe o je awon ebun ti Olorun gbin sinu kristiani kookan lati ru won soke fun oniruuru ise- isin ninu ara Kristi (ijo Olorun). Awon ebun wonyi je ifarahan Olorun lati ba aini ijo pade, lati gbe ijo ro ati lati maa mu ijo dagba sii. Ko si kristiani kan ti Olorun ko fi ebun kan tabi ju be e lo fun.

Oruko awon ebun mejeeje naa niwonyi:

ISOTELE: Awon ti a fi ebun yi fun ni Olorun saba maa n lo gege bi “oju” lati ri asiri ibi ti esu tabi ese fara pamo si ninu ijo, lati toka sii ati lati so okan Olorun jade fun awon eniyan re nipa isele atehinwa, isele isinsinyi tabi ti ojo iwaju.

Olorun maa n lo ebun isotele lati mu ese awon ayanfe duro ninu ijo, lati gbawon niyanju ati lati tu won ninu ni – 1 Kor 14:3.

ISE- IRANSE    

Awon kristiani to ni ebun ise- iranse (iranlowo) ni Olorun saba maa n lo lati se akanse iranlowo tabi ise- iranse fun awon ayanfe fun idagbasoke ijo Olorun – Lk 22:24-27. Awon to ni ebun yi lee se ise- isin won ninu ijo Olorun nipase orin- ihinrere, ere ori itage (drama), asona (usher) olutoju ayika ati sise ise- isin fun awon bii opo, alaini, omo orukan ninu ijo abbl.

OLUKONI- Awon wonyi ni Olorun fun ni imo ati ogbon lati maa wadi ijinle otito eko oro Olorun ati lati maa fi ko awon ijo fun ifese mule won ninu Kristi.

Iru won lee je oluko ile- eko ojo isinmi, oluko eko Bibeli (Bible study teachers), oluko ile iwe Bibeli, oluko awon ewe abbl.

IGBANINIYANJU- Awon wonyi ni kristiani ti Olorun fun ni ebun igbaninimoran (counselling) lati maa to awon ayanfe sona ati lati maa mu won lokan le lasiko iponju.

IFIFUNNI- Awon wonyi ni kristiani to ni ebun ififunni lati maa fi owo atawon ohun ini won se iranlowo ati atilehin fun ijo Olorun, awon iranse Olorun ati awon ara ninu Oluwa.

OLORI- Awon kristiani wonyi ni a fun ni ore- ofe lati lee se akoso ijo (church administration) tabi awon elegbejegbe ninu ijo (olori egbe obinrin rere, okunrin rere, abbl).

AANU- Awon wonyi ni Olorun saba maa n lo ninu ijo lati sakiyesi awon to ni isoro, iponju tabi aini kan ati lati se agbateru bi isoro naa yoo se di yiyanju.

Won saba maa n se aanu ati iranlowo fun awon alaini, awon opo, alaisan abbl ninu ijo Olorun.

AKIYESI PATAKI

A gbodo sakiyesi wipe gbogbo awon ebun wonyi lo n sise papo ni ifowosowopo gege bi oniruuru eya ninu ara kan soso lai si iyapa tabi adase- 1 Kor 12:12-31.

BI O SE LEE SAWARI ATI BI O SE LEE SAMULO AWON EBUN EMI RE

samulo won lekun rere.

Iwonyi ni awon igbese ti a lee gbe:

1. Ya ara re si mimo fun Olorun, ki o si fi ara re jin fun sise ife Re- 2 Tim 2:19-21.

2. Mura lati fi tokan tokan sin labe adari ati lati sise takuntakun fun ilosiwaju, ise-rere ati anfani awon elomiran lai wa ere tabi iyin eniyan- Deut 34:9, 2 Oba 3:11, 2 Tim 1:6.

3. Maa kiyesi ara re- 

- Kini awon nkan ti o je ipongbe okan re, ohun to maa n wu o lati se tabi ohun ti o n ni irusoke lati dawole?

- Kini idi ti awon nkan naa se n wu o lati maa se? Bi o ba je nitori ife- owo, ilepa fun ipo, okiki, ominira lati te ife eran ara lorun, iyin eniyan tabi iru awon nkan miran ti o yato si mimu ogo ba oruko Kristi ati idagbasoke fun ijo Olorun; sora etan esu ni – Acts 8:17-23.

- Nje awon nkan naa ro e lorun lati maa se ati wipe se o n mu eso jade?

- Kini ijerisi awon eniyan (awon adari ati ara ninu Oluwa) nipa awon nkan naa nigba ti o ba n se won?

4. Bere si nii fi otito inu lo awon ebun re nibi ti o wa, ki o ma si se kegan ibere kekere – Lk 16:10, Matt 25:21.

5. Maa fi emi irele ati okan- tutu gba itoni, ikoni ati ibawi awon adari lori lilo awon ebun re – Gal 2:1-2.

6. Mase kegan tabi se ilara eni to ti n samulo ebun tire lona to tayo ju tire lo. Sugbon re ara re sile ki o si fara bale kekolara won pelu inu rere- Heb 6:12, 13:7. (iwe, Cd etc)

7. Maa jowu ohun rere, ki o si maa lepa lati tele apeere awon to ti ni idagbasoke ju o lo.

Sugbon ma se sojukokoro si ebun elomiran tabi kegan ebun re- Rom 11:13.

8. Mase so ara re di orogun tabi ba enikeni se ifigagbaga aito nipa lilo awon ebun re. Sugbon maa se ohun gbogbo fun ijere okan, igbero awon ara ninu Oluwa ati idagbasoke ijo Kristi pelu inu kan ati okan mimo- 1 Peter 4:10.

9. Sora fun emi oroju, imele, tabi iwa ole to maa n mu ki eniyan sun ojuse oni si ola- Oniwasu 11:4-6, Rom 12:11.

10. Sora fun emi iberu ati iyemeji. Maa lo awon ebun re lore koore pelu emi igboya ati igbagbo- 2 Tim.1:6-8. Bi o ba se n lo ebun re si ni yio maa po si ti yio si maa dagba sii. Nitori naa, maa fi gbogbo igba ati akoko re lo awon ebun naa.

11. Mase gba ki esu ya ebun re lo lati se lodi si eto Olorun, ife Olorun tabi oro Olorun ninu aye enikeni tabi ninu ijo Olorun- James 3:13-18.

12. Sora fun lilo ebun-emi pelu okan arekereke lati mu ifekufe ti ara re se- 2 Sam 15:1-13.